शुक्रबार, असार ८, २०८१ | Friday 21st June 2024
जोडिनुहोस

ऐतिहासिक सिन्दुरे जात्राको अवसरमा देवीघाटमा वृहत साँस्कृतीक कार्यक्रम सम्पन्न

  • लाङटाङ न्युज बुधबार, बैशाख १२, २०८१ | April 24, 2024
ऐतिहासिक सिन्दुरे जात्राको अवसरमा देवीघाटमा वृहत साँस्कृतीक कार्यक्रम

नुवाकोट ।नुवाकोटको पहिलो सामुदायिक रेडियो नुवाकोट एफएमले वृहत साँस्कृतीक कार्यक्रम गरेको छ । नुवाकोटको ऐतिहासिक सिन्दुरे जात्राको अवसरमा विदुर नगरपालिका वडा नम्बर ५ देवीघाटमा विभिन्न कलाकारहरुको प्रस्तुती सहित कार्यक्रम भएको हो ।

कार्यक्रममा कलाकारहरु शिवनारायण जोशी, दलबहादुर डँगोल, दामोदर खतिवडा, उद्धव कार्की, जनक लामा, अर्चना स्याङ्ताङ, कोपिला वाईबा तामाङ, ईन्द्र तामाङ लगायतका कलाकारहरुले विभिन्न साँस्कृतीक प्रस्तुती

प्रस्तुत गर्नुभएको थियो ।

यस्तै कार्यक्रममा विभिन्न क्षेत्रमा योगदान गर्नुभएको भन्दै दुई जनालाई सम्मान गरिएको छ । नेपाली भाषा साहित्य र पत्रकारिताका माध्यमबाट नेपाली समाजको सकारात्मक रुपान्तरणमा चार दशक भन्दा बढि समय समर्पित गर्नुभएका राष्ट्रिय समाचार समितिका नायव महाप्रवन्धक श्याम प्रसाद रिमाल र नुवाकोटमा व्यापार प्रर्वद्धन र रोजगार सिर्जनामा खेल्नुभएको नेतृत्वदायी भुमिकाको उच्च प्रशँसा गर्दै आउनु भएका बिदुर नगर पालिका वडा नम्वर का नारायणी पाउरोटी र पानी उद्योगका संस्थापक खिल बहादुर अधिकारीलाई सम्मान गरिएको नुवाकोट एफएमका स्टेशन म्यानेजर श्रीराम अधिकारीले बताउनुभयो ।

नेपाल शान्ति विकास एवम् विकास केन्द्रका अध्यक्ष शिव प्रसाद न्यौपानेको अध्यक्षतामा भएको कार्यक्रममा समाज
रुपान्तरणमा रेडियोको भुमिका नुवाकोट एफएमले नया नया कार्यक्रममा निरन्तर साथ कार्य गर्दे आईरहेको सफलताको शुभकामना व्यक्त गर्दे कार्यक्रममा सहभागीले जोड दिएका थिए। कार्यक्रममा शिवपुरी गाउ पालिकाका उपाध्यक्ष विर वाहादुर लामा, नुवाकोटका प्रमुख जिल्ला अधिकारी रामकृष्ण अधिकारी, नुवाकोटका प्रहरी प्रमुख शान्तिराज कोइराला, बागमति प्रदेशका सन्चार रजिष्टार रेवती प्रसाद सापकोटा , बिदुर नगर पालिका वडा नम्वर ५का वडा अध्यक्ष लीलानाथ न्यौपाने ,शिक्षा बिद एवं स्थानिय संस्कृतिज्ञाता शम्भु प्रसाद शर्मा लगायतले शुभकामना दिनु भएको थियो ।

फेसबुक प्रतिक्रियाहरु

चर्चामा

कोरोना